Arestado ang isang nagpapanggap na dentista sa entrapment operation sa Tarlac City, Philippines.

Ang suspek ang kinilalang si Ma. Isabel Garcia, 22, isang estudyanteng kumukuha ng kursong Hotel and Restaurant Management.

Ayon kay Dr. Mario Guaing Jr., isang dentista, isa sa kanyang mga pasyenteng nagpakabit ng braces sa suspek ang humingi ng tulong sa kanya.

Isang video ang nakuha ng nagrereklamong pasyente, kita rin mali ang pagkakabit ng braces at wala pang suot na guwantes o facial mask ang suspek.

Ayon kay Dr. Guian, “Nagpunta ‘yung patiebt ko, namamaga na ang ngipin. Tinanong ko siya kung sino ang gumawa. Sabi ko, ‘gusto mo akong tulungan hulihin natin iyan.” 

Sa tulong ng mga awtoridad, nagsisilbing asset ang sekretarya ni Dr. Guiang at nagpanggap na pasyenteng magpapakabit ng braces sa suspek para mahuli ito.

Ang narekober mula sa suspek ay nasa P3,000 marked money lamang kasama ang iba’t ibang gamit sa pagkakabit ng braces.

Todo-iyak ang babaeng suspek sa estayon ng pulis . Nahaharap ito s kasong paglabag sa Dental Act of 2007.

*PAALALA: kilalanin muna ng maigi ang dentista bago pumayag sa anumang dental treatment na gagawin para maiwasan ang mga ganitong insidente.