Ang basil ay kilalang dahong pampalasa (herbs) na ginagamit sa pagluluto dahil sa angking amoy nito na mabango. Ang maliit na halamang ito ay madaling tumutubo sa iba’t ibang lugar sa bansa. Madali ring makakahanap at makabibili nito sa mga pamilihan na maaaring sariwa pa o pinatuyo at dinurog na.

Ang basil ay kilala din sa tawag na balanoy o Ocimum basilicum. Ito ay isang halamang yerbang na kabilang sa pamilya ng mga menta o Lamiaceae na ginagamit sa pagluluto. Kilala rin ito bilang matamis na balanoy.

1. Ang pinatuyong dahon ay makukuhanan ng essential oil, na may linalool at methyclaviol.

2. Ang bulaklak ay mayroon namang volatile oil

3. Bukod sa mga nabanggit mayroon pang caffeic acid, p-coumaric acid, p-cymene, limonene, 1,8-cineole, methyl cinnamate, myrcene, quercetin, rutin, tryptophan, safrole sa dahon nito.

Mabisa sa ubo ang pag-inom sa pinaglagaan ng dahon ng balanoy. Makatutulong ito sa palambutin ang makapit na plema upang mailabas.

Ang pinaglagaan ng dahon ng balanoy ay mabisa rin sa pagpapahinto ng tuloy-tuloy na pagsusuka.

Maaaring maibsan ang pananakit ng tiyan na dulot ng kabag sa tulong ng pag-inom ng pinakuluang dahon ng basil.

Maaaring ipatak sa loob ng tenga ang katas ng dahon ng balanoy upang maibsan ang pananakit.

Ipinanghuhugas sa bahagi ng katawan na dumaranas ng pananakit dulot ng rayuma ang pinaglagaan ng dahon ng basil.

Ang katas ng dinikdik na dahon ay ipinapahid sa apektadong balat.

Ang bulak na binasa sa katas ng dahon ng basil ay maaaring isiksik sa bulok na ngipin upang mawasan ang pananakit.

Maaaring inumin ang pinaglagaan ng buto ng balanoy upang mapahinto ang pagdudumi.

Upang maibsan ang pakiramdam, maaaring ipatak sa mata ang pinaglagaan ng buto ng balanoy.