Ang pag-inom sa tsaa o ang natural na pinagbabaran (infusion) ng pinatuyong dahon ng tsa (Camellia sinensis) ay bahagi na ng kultura ng marami sa mundo magmula pa sa sinaunang panahon. Ang matapang na lasa at mabangong amoy ng inuming tsaa ay paborito at hinahanap-hanap ng marami, maging ng ilang mga Pilipino.

Ang pagkahumaling ng marami sa pag-inom ng tsaa ang siyang nakahimok sa mga eksperto na magsagawa ng pag-aaral ukol dito. At lumalabas na ang regular na pag-inom ng tsaa ay may benepisyong hatid para sa ating kalusugan.

Ang tsaa ay isa sa mga pagkain o inumin na makukuhanan ng mahalagang ant!-oxidant. Alam naman natin na ang ant!-oxidant ang nagbibigay sa katawan ng proteksyon laban sa nakakasamang free radicals na siyang nagpapatanda sa pisikal na anyo ng katawan. 

Ang regular na pag-inom ng tsaa ay may epektong nakakapagpababa sa posibilidad ng pagkakaroon ng stroke at sak!t sa puso. Ito’y sapagkat natutulungan ng tsaa na maalis ang mga pagbabara sa ugat na dulot ng mataas na lebel ng cholesterol.

Natutulungan din ng malakas na ant!-oxidant sa tsaa na maproteksyonan ang mga sensitibong nerve cells sa utak. Pinoprotektahan nito ang mga nerve cells mula sa stress. 

Ayon pa rin sa ilang mga pag-aaral ng mga eksperto, ang 10 taon o higit pang regular na pag-inom ng tsaa ay may mabuting epekto sa buto. Lumalabas na mas matibay ang buto ng mga taong matagal nang umiinom ng tsaa.

Pinoprotektahan din ng ant!-o]oxidant sa tsaa ang baga mula naman sa masasamang epekto ng paninigarilyo. Dahil dito, mas malayo sa pagkakaroon ng mga sak!t na may koneksyon sa paninigarilyo ang taong regular na umiinom ng tsaa. 

Ang karagdagang timbang mula sa sobrang pagkain ay maaaring maharang kung regular na umiinom ng tsaa. Kaya naman, mas maliit din ang tsansa na magkaroon ng sobrang timbang pati na ang mga sak!t na kaakibat ng kondisyong ito.

Ang nakakagising na caffeine na pinakakilalang nakukuha mula sa kape ay maaaring makuha rin sa iniinom na tsaa. Ngunit ang caffeine na makukuha dito ay hindi sinlakas ng nasa kape kung kaya’t mas kontrolado ang epekto ang maaring makuha mula dito.