Kamakailan ay pinatumba ni Manny Pacquiao si Lucas Matthysse sa 2:43 ng kanilang ikapitong round at siya ay nanalo ng WBA Welterweight Championship. Naganap ang laban na ito noong nakaraang Linggo. Ito ang ika-60 na panalo ng kampeon at ang unang panalo niya para sa taong 2018.

Bukod sa pagkakataong nakabalik siya sa ring dahil sa pagkapanalo niya, sa kabilang banda ng laban, ang senador ay siguradong nakakuha ng pera dahil dito, gaya na lamang ng kaniyang nattanggap kapag siya ay nanalo sa isang laban.

Pagkalipas ng ilang araw pagkatapos ng laban, nagsimula ng kumalat ang mga balita patungkol sa kaniyang nakuhang pera pagkatapos. Ayon sa mga ibang sources, siya ay nagssponsor ngayon ng mga pakontest sa publiko gamit ang mga perang nakuha niya sa nakaraang laban.

Narinig ni Pacman ang mga balitang ganito na kumakalat sa social media at kaniya itong sinabing hindi makatotohanan. Sa kaniyang pahayag sinabi niyang: “Nakarating sa aking kaalaman na may mga kumakalat na balita sa social media na ako ay namimigay ng mga premyo bilang balato dahil sa aking pagkapanalo. Nais ko pong ipaalam sa lahat na walang katotohanan ang mga ito. Fake news po ang contest na ito  kaya’t huwag po kayong maniniwala at magpapaloko sa maling balita. Salamat po.”

Ang pangyayaring mga ganito ay nakapagpalungkot ng mga fans na sumali sa mga contest na sinabi. Buti na lang at naklaro ni Pacman ang lahat ng pangyayari bago pa mascam ang mga tao. Ang mga iba naman ay hindi bumili noong una pa lamang at nagbahagi lang ng mga palaisipan patungkol sa kumakalat na tsismis.