Pinuri ng maraming netizens ang pagiging mapagmahal at supportive na boyfriend ang isang lalaking kinilala bilang si Ador Adrian Gabrieles na nagsikripisyo ng kanyang sarili para lamang mapag-tapos ang kanyang girlfriend sa college.

Ayon sa kanyang social media post, ang kanyang nobya na si Aira Arcamo ay malapit ng maabot ang kanyang mga pangarap lalo na’t siya ay ga-graduate na sa kolehiyo.

Si Ador ang nagsilbing daan upang makapagtapos ang kanyang girlfriend sa pag-aaral dahil sinuportahan niya ito at siya ang tumulong sa pagpapaaral ni Aira. 

Noong nag-aaral si Aira ay namasukan at nagtrabaho si Ador bilang bagger sa isang local grocery store. At dahil pursigido talaga ito na tulungan ang kanyang nobya sa problemang pinansiyal, ay nag-train siya ng mabuti upang makapagsila ng fluent English at ito ay naging daan upang makapasok siya bilang isang call center agent sa isang call center company.

Sa kanyang kinikitang sweldo buwan-buwan ay nagtatabi na siya para sa tuition fees ni Aira sa kolehiyo. 

Naibahagi niya na maraming mga nagsasabi na hindi niya dapat pinag-aaral ang kanyang girlfriend dahil baka iwanan lamang siya nito.

Ngunit hindi nagpadala si Ador sa mga sabi-sabing ito, sa halip ay sinunod niya ang kanyang puso. Gusto rin niyang patunayan sa magulang ni Aira na kung gaano siya kaseryoso sa kanilang anak at kung gaano niya ito kamahal. 

Kung tutuusin, ang magulang ni Aira ay isang engineer at isang teacher. Ngunit nais ni Ador na magkaroon ng maganda imahe ng isang mapagmahal na nobyo, may pangarap na asawa, at huwarang ama sa mga magiging anak nila sa hinaharap. 

At kung darating man ang panahon na iiwan man siya ni Aira ay hindi daw siya magsisisi na pinag-aral niya ang kanyang nobya dahil siya naman ang nagiging rason kung bakit siya nagiging masaya.

Kaya naman sa graduation photo ni Aira ay isinama niya ang kanyang nobyo at kasama itong nagpose sa letrato.