Dumarami na ang kaso ng teenage pregnancy sa panahon ngayon. At isa sa mga artistang nabuntis ng maaga ay si Valerie Concepcion.

Ibinahagi ng aktres ang kanyang pagsubok na naranasan noong siya ay mabuntis ng maaga sa edad na 16 years old. At nais niyang ipabatid sa mga teenagers na kung gaano kahirap maging isang teenage mother.

Unang-una hindi madali ang maging isa ina, lalo na pa kung ikaw ay wala pa sa tamang edad.

Ibinahagi ni Valerie na noong 15 taong gulang ng siya ay unang ma-inlove. 

Dagdag pa niya na hindi rin alam ng kanyang mga magulang niya noon na siya ay nasa isang relasyon. 

Dumating sila sa punto noon na inanyaya siyang magpakasal ng kanyang boyfriend ngunit laking pasasalamat na lamang niya sa kanyang mga magulang dahil hindi sila pinayagang magpakasal. Tumutol ang kanyang mga magulang dahil pareho pa silang bata. 

Ang napagkasunduan nila na kapag 18 taong gulang na si Valerie at nasa legal age doon ay pwede na siyang magpakasal kung gusto niya. Ngunit di kinalaunan ay naghiwalay sila ng kanyang kasintahan.

Aminado si Valerie na hindi naging madali ang kanyang maagang pagbubuntis at palagi siya noong umiiyak.

Namulat ng maaga kung paano maging isang single mom si Valerie, nagtrabaho siya at nagsikap upang mabigyan niya ng magandang buhay ang kanyang anak. Ngayon ang kanyang anak ay 14 taong gulang na. At muling ipinagpatuloy ni Valerie ang kanyang pag-aaral hanggang siya ay nakapagtapos sa kolehiyo.

Ngayon at nasa tamang edad na siya ay muli na siyang nakahanap na pag-ibig at engaged na sa kanyang kasintahan na si Francis Sunga.