Isa sa mga inaalala ng isang lalaki kapag siya ay mag propropose sa kaniyang minamahal ay hindi lang kung ano ang maaring isagot ng babae sa kaniya, ngunit kailangan din nitong maging magaling sa pagpili ng singsing na bibilhin dahil ito ay ang magiging kasuotan na ng babae sa pang habang buhay. Ito ay magiging parte na ng mga alahas na pang-araw araw susuotin ng babae sa tanan ng kaniyang buhay.

Ito rin ang magiging simbolo ng pagmamahalan nilang dalawa bago ikasal. Para sa mga babae naman, maaring maging dismayado kung ang mapipili ng iyong nobyo para sa tamang singsing ay hindi pagiisipan ng mabuti at kung hindi ginugulan talaga ng oras. Kaya naman isang babae sa social media ang nagbahagi ng larawan ng kaniyang engagement ring na nagtataglay ng isang malaking dyamante sa taas ng gintong singsing. 

Tinatanyag na nagkakahalaga ito ng $1,674 at siya ay dismayado dahil dito. Kaya naman dinala niya ito sa social media upang malaman ng ibang mga tao ang kaniyang naiisip at makahingi ng mga suwestiyon mula sa mga madling people. Ayon sa babae na tinago ang pangalan, ang singsing na may dyamante at nagkakahalaga ng mahigit sa $1,600 na dolyares ay tinagurian niyang maliit at mura. 

Dinamay pa niya ang kaniyang fiancé at soon to be na asawa at tinawag din itong cheap. Ayon kasi sa kaniya ay dapat sinama siya ng kaniyang nobyo upang mas nakapili sila ng mas magandang singsing para sa kaniya dahil hindi naman ito ang magsusuot pang araw arwa kung hindi siya. Ngunit maraming mga netizens ang nagalit sa kaniya kaya naman kinalaunan ay binura na rin niya ang kaniyang naging post.