Karamihan sa mga paaralan dito sa Pilipinas ay mayroong malalawak na field na minsan ay sementado at mayroon din namang hindi. Kapag kasi ang isang school field ay hindi sementado, kadalasan ang nangyayari ay madaling dumudumi ang paligid at kumakalat ang alikabok sa mga corridors at classroom. 

Ngunit ibahin ang isang public school na ito sa Imus, Cavite na ginulat ang mga netizens dahil ubod ng linis ang kapaligiran nito. 

Ibinahagi sa post ni Arturo Rosaroso ang principal ng Imus National High School (INHS) ang kanilang paaralan na napapalibutan ng mga tiles ang buong school grounds nito. 

Kitang kita ang kaayusan at kalinis ng kanilang paligid. Sila rin ay naglagay ng mga halaman at mga plant boxes sa gilid ng paaralan. Kapansin pansin rin ang kanilang stage na picture worthy dahil ito rin ay naka-tiles at mayroong nakalagay na “Proud Imuseño” sa harap nito.

At noong bago magpasukan ay proud na ibinahagi ng school principal na handang-handa na ang kanilang eskwela sa pagbabalik ng kanilang mga mag-aaral. 

Ayon kay Mr. Rosaroso, ang Imus National High School ang natatanging paaralan na may school ground na naka-tiles. Ito ay proyekto ng LGU, NGOs, Alumni Organization, GPTA, Civic Society, Rotary Club of Imus, SDO, at stakeholders. 

Bukod sa mga guro at mag-aaral ay natutuwa rin ang mga alumni ng INHS dahil sa nakita nilang pagbabago sa kanilang dating paaralan. 

Samantala, samu’t sari rin naman ang mga naging komento ng mga netizens. Mayroong mga namangha subalit mayroon ding iba na nabahala.

Narito ang kanilang iba’t ibang reaksyon at komento: