Taong 2001 nang inilabas ang Taiwanese series ng sikat na Meteor Garden. Naging matunog ang mga pangalang Dao Ming Si, Hua Ze Lei, Mei Zuo, Ximen at San Chai na talagang kinagiliwan ng mga Pilipino.

At nakailang bersyon man ang series na ito ay pinakatumatak pa rin ang sinaunang Meteor Garden at F4. Kaya naman ang isang lalaki na kinilala bilang si Ash Cruz ay muling sinariwa ang mga memories ng pinakamamahal na teleserye sa telebisyon nang magbyahe ito ng 12 oras sa Taiwan upang mapuntahan lamang ang mga sikat na scenes sa Yingde University.

Bahagi niya na mula sa Taipei ay maraming paraan upang makapunta doon, ngunit may kamahalan nga lang kapag ang pinakamabilis na way ang iyong ginamit ngunit kung ang pinakamurang way naman ay aabutin ka ng 12 na oras bago makadating.

Ngunit pinili ng netizen ang mas murang byahe. Aniya ay hindi naman niya napansin na ganoon katagal ang kanyang byahe dahil habang nasa byahe ay pinapanuod na niya ang sikat na telenovela. 

At noong nakarating siya ay namangha siya sa ganda ng eskwelahan na tinatawag nilang “Yingde University” sa series. Kaya naman ang bawat minuto na kanyang ginugol doon ay kanyang sinulit. Makikita na sa post niya ang mga lugar na kanyang pinuntahan kasama ang mga eksaktong scenes na kinuhanan sa series.

Para sa isang ‘fan’ ng Meteor Garden 2001 ay tiyak na naenjoy niya at nasulit ang kanyang pamamasyal na talaga namang masasabing ‘worth it’ ang lahat ng kanyang pagod at pagbabyahe kahit na inabot pa siya ng ilang oras.