Ang magtrabaho bilang isang service crew sa isang fastfood ay hindi madali. Bukod sa kailangang maserbisyuhan ang lahat ng customers tuwing dinaragsa ito ng mga tao sa mga oras ng kainan ay dapat ay mabilisan rin ang paggalaw nila.

Minsan dahil na rin siguro sa pagod at paikot-ikot na pagseserbisyo sa mga customers ay ang ibang crew ay hindi na naseserbisyuhan lahat. Ngunit hindi ibig sabihin nito na hindi na dapat nila ipakita ang kanilang pagiging efficient na crew. 

Pinuri ng isang customer na si Dinalyn Osal ang isang service crew ng isang sikat na fastfood chain dahil sa pagiging maasikaso at maserbisyo sa mga customers na naghihintay. 

Aniya sa kanyang post,

Ibinahagi ng customer na gustong gusto na niyang makakain ng chicken oil at dahil ang kanyang libreng oras lang ay noong weekend kaya wala siyang choice kundi makipila sa napakaraming tao. 

Simula umaga ay hindi pa raw sila nakakakain kaya naman talagang tinyaga nilang maghintay sa pila kahit na gutom na gutom na sila. 

Habang naghihintay sila ay mayroong isang lalaki na lumapit sa kanila at tinanong kung mayroon na silang mauupuan. Ngunit napailing na lamang sila maging ang mga ibang customers na naghihintay ng kanilang order.

Napansin niya na hinahanapan ng crew ng mauupuan ang mga naghihintay na customers kaya naman ang ginawa niya ay kumuha siya ng bakanteng lamesa at upuan dahil sa kagustuhan niyang makaupo na ang lahat.

Naging agaw pansin ang pagiging approachable ng crew dahil kahit nakakapagod ang kanyang trabaho ay nagagawa pa rin niyang ngumiti at i-assist ang mga customers. Pinuri naman ng netizen ang crew dahil raw sa effort at world class na customer service nito at hinihiling na sana ay lahat ay ganito.