Ayon kay Rufa, ang unang dahilan niya ay dahil noong siya ay bata pa raw ay mayroon lamang siyang isang pares ng sapatos. At minsan ay nabubutas pa ito dahil madali itong mapudpod dahil naglalakad lang siya noon papasok sa eskwela.

“Wala akong sapatos noong bata ako hanggang 15 years old.”

Kapag papasok raw siya noon sa eskwela ay palaging butas ang kanyang swelas dahil lakad lang siya ng lakad araw-araw dahil wala siyang pamasahe.

Ang pangalawa niyang rason ay talagang nag-iinvest siya sa mga mamahaling sapatos dahil matibay ang kalidad ng mga ito. Bilang isang performer ay kailangan niya rin ito lalo na pa’t lumalabas siya sa iba’t ibang mga shows.

At ang pangatlo niyang rason kaya dumarami ang kanyang koleksyon ay dahil regalo niya ito sa kanyang sarili. Dahil sa kanyang hardwork sa pagtatrabaho ay kailangan niya ring bigyan ng gantimpala ang kanyang sarili. Ginagawa niya ito tuwing magkakaroon siya ng bagong proyekto. Sinisigurado niyang bumibili siya ng isang pares ng sapatos.

Ayon sa kanya, nagagamit naman niya ang mga ito sa kanyang trabaho bilang isang performer at artista.

Hinangaan naman ang pagpupursigi ng aktres sa kanyang pagtatrabaho upang mabili ang mga bagay na wala siya noong siya ay bata pa.