Ang Star Magic Ball ay isa sa mga pinakahihintay na red carpet events sa Pilipinas dahil talagang pinaghahandaan ito ng mga iniidolong artista sa telebisyon. At talaga namang nagniningning ang mga artista sa gabing iyon dahil sa kanilang mga naggagandahang mga kasuotan. 

Ang purpose ng event na iyon ngayon ay upang makapaglikom ng funds para sa Bantay Edukasyon program ng Batay Bata 163.

Maraming artista ang umattend at sinunod ang kanilang tema na modern Filipiana attire. Ngunit napansin naman ng mga fans ang hindi pagsipot ni Angel Locsin sa event na ito lalo na pa’t excited sila sa susuotin niya. Kaya naman ang ilan ay nagtaka kung bakit wala siya.

Ibinahagi naman ni Angel sa kanyang social media account ang dahilan kung bakit hindi siya nag-attend ng ball.

Ayon sa aktres, ay maaaring kulang-kulang sa P200,000 ang kanyang magagastos para sa gown at make-up kung sakaling umattend siya sa ball. Kaya naman mas minarapat niyang idonate na lang ang buong amount sa Bantay Bata.

Nang malaman ito ng kanyang mga fans ay mas hinangaan ang ginawang kabutihan ng aktres. Ngunit hindi pa ring maiiwasan na mayroong ding mga nadismaya sa hindi niya pagsipot dahil inaabangan rin siya ng mga ito.